Madaxweynaha wadanka Ukraine Volodymyr Zelenskyy ayaa hoggaamiyaasha Midowga Yurub ka codsaday inay dalkiisa ku taageeraan hub dagaal oo dheeraad ah.
Waxaa uu doonaya in ciidamada difaaca ee Ukraine lagu wareejiyo hub casri ah gaar ahaan diyaaradaha dagaalka iyo gantaallada riddada dheer.
Hoggaamiyaha Ukraine oo arrintan ka hadlay isagoo ku sugan magaalada Kyiv ee caasimadda dalkaasi ayaa sheegay in haddii taageerada ay u baahan yihiin aan la siin, caalamka laga doonayo inuu u diyaar garoobo sanado dheeraad ah oo uu sii soconaya duullaanka militari ee Ruushka.
Dagaalka weli ka taagan Ukraine ayaa soo billowday 24-kii bishii labaad ee sanadkii hore.
