Ra’iisul wasaaraha dalka Japan Fumio Kishida ayaa lagu wadaa inuu maanta safar ku tago caasimadda dalka Ukraine ee Kyiv.
Waxaa uu qorshuhu yahay inuu halkaasi kula kulmo madaxweynaha Ukraine Volodymyr Zelensky.
Wasaaradda arrimaha dibadda ee dalka Japan ayaa socdaalka Kishida ku tilmaantay mid garab istaag loogu muujinaya dowladda Ukraine oo ay saameyn ba’an ka soo gaartay duullaanka militari ee Ruushka.
Dowladda Japan iyo waddamada reer galbeedka ayaa horay Ruushka ugu dhaliilay duullaanka militari ee uu 24-kii bishii labaad ee sanadkii hore ku qaaday Ukraine welina uu howlan yahay.
