Ilaa iyo hadda waxaa la xaqiijiyay inay dhinteen 522 ruux ka dib markii duufaanta Freddy ay ku dhufatay waddamada Malawi, Mozambique iyo Madagascar.
Maamullada dowladda Malawi u qaabilsan maareynta musiibooyinka ayaa tirada dhimashada ee ay diiwaangeliyeen ku sheegay 438 waxaana dalkaasi weli ka jiro baroordiiq soconaya 14 cisho oo uu Khamiistii ku dhawaqay madaxweyne Lazarus Chakwera.
Gudaha dalka Mozambique, dhimashadu waa ugu yaraan 67 qof sida laga soo xigtay madaxweyne Filipe Nyusi oo sidoo kale sheegay inay barakaceen 50,000 oo dheeraad ah.
Dalka Madagascar, ugu yaraan 17 qof ayaa u dhintay saameynta duufaanta.
Waxaa laga cabsi qabaa in dhimashada ay sii kororto.
In ka badan 500 oo qof oo ku dhintay duufaan saameysay saddex dal
