Dowladda dalka Sri Lanka ayaa diiwaangelisay in sanadkii hore uu jiray hoos u dhac dhaqaale oo gaaraya boqolkiiba 7.8.
Sida ku cad macluumaadka dowladda wadankaasi , Sri Lanka ayaa la daala dhacaysa culeyskii maaliyadeed ee ugu sarreeyay muddo toddobaatan sano ah.
Waxaa la saadaalinaya in dhaqaalaha Sri Lanka uu sanadkan hoos u sii dhici karo boqolkiiba 3 sida uu shaaciyay adeegga maalgashiga ee Moody’s in kastoo ay jirto rajo ah in sanadka dambe uu dhaqaalaha kobco.
Waxaa wadanka Sri Lanka bishii Sagaalaad ee sanadkii hore ka jiray sicir barar dhan boqolkiiba 69.8 in kastoo bishii labaad ee sanadkan uu heerka sicir bararka noqday boqolkiiba 50.
