Madaxweynaha dalka William Ruto ayaa xarunta madaxtooyada ee Elysee ee magaalada Paris caasimadda wadanka Faransiiska kulan kula qaatay dhigiisa dalkaasi Emmanuel Macron.
Waxaa uu Ruto sheegay in xiriirka ka dhexeya labada dhinac uu yahay mid ku qotomo dan wadaag dhinaca ganacsiga , tamarta , caafimaadka, kaabayaasha, biyaha , beeraha iyo waaxyo kale ah.
William Ruto ayaa sheegay in isaga iyo madaxweynaha Faransiiska wada hadal ka dib ku heshiiyeen ballaarinta iyo sare u qaadidda fursadaha ganacsi iyo mashaariicda horumarineed ee ka dhexeya.
Labada mas’uul ayaa sidoo kale isku afgartay inay ka wada shaqeeyaan amniga iyo nabadgalyada gobolka bariga Afrika.
Ruto iyo Macron ayaa qiray in Kenya iyo Faransiiska ay wadagaan xiriir wanaagsan oo soo jireen ah oo sii xoogeysanaya.
Madaxweynaha dalka ayaa dhanka kale kulan dooceed la yeeshay wakiillo sar sare oo matalaya jaaliyadaha ganacsiga ee dalka Faransiiska isagoo ku boorriyay inay wadanka maalgashi ka sameeyaan.
Habeen ka hor ayay ahayd markii uu madaxweynaha dalka u ambabaxay safar dibadeed oo la qorsheeyay inuu qaato saddex cisho sida uu xaqiijiyay afhayeenka madaxtooyada wadanka ee State House Xuseen Maxamad.
Madaxweyne William Ruto ayaa u sii gudbi doono magaalada Dakar ee caasimadda dalka Senegal.
Waxaa uu khudbad ka jeedin doonaa shirweynaha loogu magacdaray Dakar 2 Summit ee ku saabsan cunnada Afrika , gobonnimada iyo adkeysiga.
Shirkan ayaa waxaa soo qaban qaabiyay bangiga horumarinta Afrika waxaa uuna ku soo aadaya xilli qaaradda Afrika ay wajahayso caqabad culus oo dhanka helidda cunnada ah.
RUTO MEETS MACRON, AGREE TO ENHANCE BUSINESS OPPORTUNITIES
Kenya and France have agreed to enhance their cooperation in developmental projects
The two countries have further undertaken to diversify and harness existing business opportunities between them. pic.twitter.com/z76k1CHdYT
— State House Kenya (@StateHouseKenya) January 24, 2023
On the sidelines, Dr Ruto met senior representatives of the French Business Community where he pushed for increased trade and investment between the two countries. pic.twitter.com/x6hFYganmr
— State House Kenya (@StateHouseKenya) January 24, 2023