Ilo wareedyo ka tirsan laamaha ammaanka ee dalka Burkina Faso ayaa sheegay in ugu yaraan 18 qof ay dhinteen ka dib labo weerar oo wadankaasi laga gaystay.
Weerarrada oo laga fuliyay waqooyiga iyo waqooyiga galbeed ee dalkaasi ayaa waxaa ku dhaawacmay 10 qof.
Waa falkii ugu dambeeyay ee lagu bartilmaameedsaday qayb ka mid ah shacabka Burkina Faso oo taageeraya ciidamada militariga oo muddo toddobo sano ah la dagaallamaya fallaagada.
Tan iyo sanadkii 2015-kii waxaa dalka Burkina Faso ka taagnaa rabshado ay wadaan kooxo fallaago ah oo taabacsan kooxaha Al-Qaacida iyo ISIS oo dilay tobanaan kun oo qof halka ay guriyahooda ka barakaceen ku dhawaad labo milyan oo dheeraad ah.
18 qof oo ku dhintay weerarro ka dhacay Burkina Faso
