Waxaa lagu soo warramayaa in doon sidday saddex ka mid ah ardayda jaamacadda Nairobi ee UON inay biyo ku quusatay deegaan baarlamaneedka Budalangi ee ismaamulka Busia.
Waxay ardayda ka mid ahaayeen koox harada Victoria u damaashaad tagay iyagoo doon adeegsanaya.
Waxaa arrintan xaqiijiyay taliyaha booliiska ee deegaanka Bunyala Isaiah Mose.
Waxaa uu sheegay in afar arday oo kale la soo badbaadiyay.
Mas’uuliyiinta ammaanka iyo ururrada samatabixinta ayaa warbaahinta u sheegay in saaka la soo saaray meydadka labo ka mid ah saddexdii arday ee biyaha ku quustay ka dib markii ay doon la degtay.
