Ra’iisul wasaaraha dalka Pakistan Shehbaz Sharif ayaa xilka taliyaha guud ee ciidanka militariga wadankaasi u magacaabay General Asim Munir .
Waxaa arrinkan maanta barta Twitter-ka ku shaacisay wasiirka warfaafinta ee Pakistan Marriyum Aurangzeb.
Munir ayaa beddelaya General Qamar Javed Bajwa oo uu 29-ka bishan ku egyahay muddo xileedkiisa 6-da sano ah.
Ra’iisul wasaare Sharif ayaa taliyaha cusub ee militariga Pakistan ka soo dhex xushay liis ka kooban 6 qof ka dib kulanka golaha wasiirrada wadankaasi oo uu guddoomiyay.
Asim Munir ayaa hadda ka howlgalo xarunta dhexe ee ciidamada gaashaandhigga Pakistan ee magaalada Rawalpindi waxaa uuna horay u soo noqday madaxii adeegga sirdoonka ee (ISI).
Ra’iisul wasaaraha Pakistan oo magacaabay taliyaha militariga
