Guddoomiyaha ismaamulka Kiambu ,Kimani Wamatangi iyo xildhibaanka deegaanka Koonfurta Mugirango , Sylvanus Osoro ayaa tallaabo aan loo baahneyn ku tilmaamay in xilka laga qaado wasiirka wasaaradda ganacsiga, maalgashiga iyo warshadaha dalka Moses Kuria.
Tani ayaa timid ka dib markii qaar ka mid ah xubnaha baarlamaanka ay sheegeen inay guda galayaan qorsho xafiiska looga saaraya Kuria haddii dowladda aynan ka laaban qorsho wadanka lagu soo gelinaya galley.
Hasa ahaate guddoomiyaha Kiambu ayaa qabo in doodda ku saabsan dalagga sida casriga ah lagu soo saaro ee GMO loo baahan yahay in aan la siyaasadeyn.
Waxaa uu sheegay in bakhaarrada cuntooyinka ee dalka aynan hadda ku keydsanayn galley wadanka ku filan sidaas awgeedna haddii wasiirka ganacsiga xilka qaadis lagu sameeyo ay caqabad ku noqon karto dadaallada lagula tacaalaya gaabadka cunno ee jira.
Xildhibaan Osoro ayaa dhankiisa xusay in loo baahan yahay in Kuria la siiyo fursad uu isku difaaci karo.
