Nairobi 105.9 Mombasa 103.5 Mogadishu 97.0 Garissa 97.1 Kismayu 89.5
Wajir 97.3 Isiolo 92.5 Mandera 97.5 Moyale 87.9 Masalani 97.1
Marsabit 87.7 Balambala 97.1 Laisamis 87.7 Dadaab 97.1 Habasweyne 97.3
Home Wararka Kenya Xubnaha aqalka sare oo su’aallo weydiiyay wasiirka tacliinta

Xubnaha aqalka sare oo su’aallo weydiiyay wasiirka tacliinta

Senatarrada aqalka sare ee dalka ayaa wasaaradda waxbarashada ka dalbaday inay faahfaahin ka bixiso sida loo adeegsaday lacag dhan 873 milyan oo shilin taasoo loogu tala-galay in lagu quudiyo ardayda.
Tani ayaa timid ka dib markii wasiirka waxbarashada Ezekiel Machogu uu guddiga arrimaha tacliinta ee aqalka sare u sheegay in lacagtan cunnooyin loogu iibiyay ardayda wax ka barta dugsiyada ku yaalla deegaannada oomanaha ah.
Hasa ahaate senatarrada ayaa tani shaki geliyay.
Waxay sheegeen in xarumaha waxbarasho ee ay wasaaraddu xustay aan laga fulin barnaamij quudin ah.
Ku xigeenka guddoomiyaha guddiga arrimaha waxbarashada ee aqalka sare Peris Tobiko ayaa wasaaradda ka dalbatay inay caddeyso sida ay u isticmaashay dhaqaalihii la siiyay si ardayda aynan dugsiyada uga bixin xilligan oo ay abaar jirto.
Wasiirka tacliinta ayaa dhankiisa sheegay in 201 milyan oo shilin oo lacag caddaan ah la siiyay dugsiyada halka 607 milyan cunno lagu iibiyay iyadoo 54 milyan oo isticmaalay in cuntada la gaarsiiyo dugsiyada ismaamullada Turkana, Samburu, Garrisa, Wajeer, Marsabit, Isiolo, Tana River, Mandera iyo West Pokot.

LEAVE A REPLY

Please enter your comment!
Please enter your name here

- Advertisment -

Most Popular

Recent Comments