Hay’adda Bill & Melinda Gates foundation ayaa ballanqaaday inay waddamada qaaradda Afrika ku taageeri doonto lacag dhan 7 bilyan oo doolar.
Deeqdan ayaa loo adeegsan doonaa wanaajinta adeegyada caafimaadka , wax soo saarka beeraha iyo xaqiijinta sinnaanta jinsiyadeed.
Arrintan ayuu sheegay xilli uu kulan la qaatay ardayda jaamacadda Nairobi.
Waxaa uu sheegay in ballanqaadkan cusub uu yahay mid barbar socdo mashaariicda ay fulinayaan waaxyo kala duwan ee ay hay’adda maalgeliso.
Tani ayaa imaanaysa iyadoo 278 milyan oo qof oo ku nool qaaradda Afrika ay la daala dhacayaan gaajo oo in ka badan 37 milyan oo dadkan ka mid ah ay xaalado adag wajahayaan.
Gudaha Kenya hay’adda Bill & Melinda Gates Foundation ayaa maalgelisay dhinacyada beeraha , caafimaadka sida tallaalka , nafaqada iyo nadaafadda .
Sidoo kale waxay lacago ku bixisay mashaariic la xiriira adeegyada maaliyadeed, sinnaanta jinsiyadeed iyo qorsheynta qoyska.
Africa has always been at the heart of our foundation’s mission. Today, we are announcing our commitment of $7 billion over the next 4 years for the development of more breakthrough innovations in health and agriculture across the continent. https://t.co/imh57I2hdg
— Bill Gates (@BillGates) November 17, 2022
