Dowladda Maraykanka ayaa shaacisay abaal marin lacageed oo gaaraysa 10 milyan oo doolar una dhiganta 1.2 bilyan oo shilinka dalka ah inay siinayso cidii soo gudbisa xog horseedi karta in la soo xiro saddex xubnood oo ka tirsan kooxda Al-Shabaab.
War qoraal ah oo ka soo baxay safaaradda Maraykanka ee magaalada Nairobi, ayaa lagu sheegay in shakhsiyaadkaan ay mas’uul ka ahaayeen weerarro badan oo argagixiso kuwaasoo ka dhacay Soomaaliya, Kenya iyo waddamada kale ee dariska la ah ayna ku dhinteen boqolaal qof.
Saddexdan nin ee Maraykanku doon doonayo ayaa kala ah Mahad Karate,Jehad Mostafa iyo Axmad Diiriye.
Sidoo kale waxaa qoraalka ku cad in Maraykanku uu ogyahay in Al-Shabaab ay lacago ku helaan qaabab badan oo sharci darro ah kuwaasoo caalamka ka dhaca si ay ugu maalgaliyaan howlahooda iyo inay sanad walba ku maalgaliyaan dilalka boqolaal qof oo shacab ah.
Bishii Siddeedaad ee sanadkii 2008-dii ayay ahayd markii waaxda arrimaha dibadda ee Maraykanka ay Al-Shabaab u aqoonsatay urur argagixiso.
Madaxa qaramada midoobay ee arrimaha xuquuqul aadanaha Volker Turk ayaa galinkii hore ee shalay sheegay in weerarro ay Al-Shabaab sanadkan gudihiisa ka gaysatay dalka Soomaaliya lagu dilay in ka badan 600 oo qof oo shacab ah.
Safiirka Maraykanka ee Soomaaliya Larry E. André, ayaa shir jaraa’id ka sheegay in qaraxyadii 29-kii bishii hore ka dhacay magaalada Muqdisho ay ku dhinteen ugu yaraan 121 qof halka 333 kalena ay ku dhaawacmeen.
Qof kasta oo xogtan doonaya inuu gudbiyo ayaa loogu baaqay inuu ku soo gudbiyo Telegram ama WhatsApp nambarrada kala ah Kenya +254-71-87-12-366 ama +252-68-43-43-308.
Maraykanka ayaa sidoo kale sheegay in shakhsiyaadka xogahan la wadaago aan la abaal marin doonin keliya balse sidoo kale dib u dejin loo sameyn doono.
REWARD! 💰Up to $10M for information on terrorists MAHAD KARATE, AHMED DIRIYE & JEHAD MOSTAFA for their involvement in numerous attacks that have killed thousands of people in Somalia, Kenya & other countries. Do you know where they are hiding? SEND US A TIP! pic.twitter.com/PFfrKmb2CQ
— Rewards for Justice (@RFJ_USA) November 14, 2022
REWARD! 💰Up to $10M for information on al-Shabaab's illicit financial activities. Help us disrupt its financial networks and stop terrorist attacks – SEND US A TIP! pic.twitter.com/mRYBVLeIZj
— Rewards for Justice (@RFJ_USA) November 14, 2022
Press release: @StateDept Rewards for Justice Program is increasing its reward offers to up to $10 million for information leading to the identification or location of al-Shabaab key leaders, and disruption of the terrorist group's financial mechanisms. https://t.co/9AvsKdxZAR pic.twitter.com/TQB6WDo77G
— U.S. Embassy Nairobi (@USEmbassyKenya) November 14, 2022
