Waxaa maanta guddiga baarlamaanka ee maaliyadda hor tagay Chris Kiptoo oo uu madaxweynaha dalka u soo xushay xoghayaha joogtada ee wasaaradda maaliyadda.
Mr. Kiptoo ayaa sheegay inuu leeyahay hanti qiimaheedu yahay 338 milyan oo shilin.
Waxaa uu xusay in dhaqaalahan uu ka helay maalgashi hantiyadeed, guryo iyo dhulal uu ku leeyahay caasimadda dalka ee Nairobi.
Xoghayaha magacaaban ayaa guddiga baarlamaanka ee maaliyadda u sheegay in haddii la ansaxiyo, in yoolkiisa mid ka mid ah uu yahay xaqiijinta in dadweynaha ay canshuurta bixiyaan.
Hasa ahaatee, waxaa uu xusay in istaraatijiyaddiisu aysan dhaawici doonin dadka danyarta ah, islamrkaana aysan ku kordhineen canshuurta ay bixiyaan.
Waxaa uu sheegay inuu la shaqeyn doona maamulka canshuuraha dalka ee KRA, si aan loo dhibaateyn ganacsatada iyo canshuur bixiyeyaasha.
