Taliyaha hay’adda Nabadsugidda iyo Sirdoonka Qaranka Soomaaliya ee NISA Mahad Salaad ayaa gaaray magaalada Addis Ababa ee caasimadda dalka Itoobiya.
Waxaa halkaasi ku soo dhaweeyay dhigiisa wadankaasi, iyadoo soo dhaweynta ka dib wafdigan sare loo galbiyay halka loo qorsheeyay inay dagaan.
Taliye Mahad Salaad oo socdaalkiisa laba cisho qaadanaya ayaa dhigiisa Sirdoonka Itoobiya kala hadli doona muhiimadda ay leedahay ka hor tagga Aragagixisada ku sii baahaysa Bariga Afrika iyo inay habboon tahay in si wada jir ah la iskaga kaashado.
Safarka taliye Mahad Salaad ayaa ku soo beegmay maalmo yar ka dib markii Agaasime ku xigeenka Hay’adda Sirdoonka Itoobiya Sisay Tola uu soo gaaray magaalada Muqdisho.
