Wararka inaga soo gaaraya tuulada Raya ee ka tirsan deegaan baarlamaaneedka Balambala ee ismamaulka Garissa ayaa sheegaya in aabe 60 sano jir ah oo lagu magacaabo Cabdi Caafi Maxamad uu waraabe cunay isagoona wajiga dhaawac halis ah ka gaarsiiyay.
Aabahan oo lagu daweynaya isbitaalka guud ee magaalada Garissa ayaa la sheegay in waraabaha uu weerarka kala kulmay xilli uu xoolihiisa daaqsiinayay.
Dadka deegaanka oo ka carooday falka u gaystay waraabaha ayaa ugu dambeyn dilay.
Waxaa ay sheegeen in abaarta ay keentay in waraabaha uu dadka waxyeelo u gaysto.
