Ilaa laba gaari oo la sheegay inay qaraxyo ka buuxeen ayaa lagu weeraray Xerada Lamagalaay ee Magaalada Beledweyne, halkaas oo ay ku taallo Madaxtooyada labaad ee maamulka Hirshabeelle iyo Xarunta Maamulka Gobolka Hiiraan.
Waxaa jira khasaaro kala duwan oo ka dhashay qaraxyada, iyada oo goobta ay xireen Ciidamada dowladda iyo kuwa Amniga Beledweyne, waxaana socda gurmad loo sameynayo dadka ku waxyeeloobay.
Goobjoogayaal ku sugan magaalada Beledweyne ayaa waxaa ay sheegeen in qaraxyada ka dib ay hawada isku shareertay uuro aad u farabadan, isla markaana Goobihii ka agdhawaa Xerada Lamagalaay ay burbureen.
Wararka ayaa sidoo kale sheegaya in labo baabuur oo ah nooca xamuulka qaada in lagu weeraray xerada Lamagalaay oo ah halka ugu badan oo ay degan yihiin mas’uuliyiinta gobolka iyo maamulka Hirshabelle.
Wararka ku soo kordha qodobkan kala socda https://starfm.co.ke/
Qaraxyo xooggan oo lagu weeraray xerada Lamagalaay ee Beledweyne
