Madaxweynaha wadanka Ukraine ,Volodymyr Zelenskyy ayaa sheegay inuu kulan la qaatay taliyeyaasha ciidamada qalabka sida.
Waxaa uu hoosta ka xarriiqay inay ka wada hadleen qorshayaasha xoreynta dhulka uu haysto Ruushka.
Qoraal uu soo dhigay barta Telegram ayuu hoggaamiyaha Ukraine ku sheegay in shirka sidoo kale looga hadlay in hub dheeraad ah la gaarsiiyo saraakiisha gaashaandhigga.
Dhanka kale weerar gantaal loo adeegsaday oo uu Ruushku ku bartilmaameedsaday kolonyada baabuurta gargaarka ee gobolka Zaporizhia ayaa lagu dilay ugu yaraan 23 qof.
Sarkaal taabacsan Moscow ayaa weerarka ku eedeyay ciidamada xukuumadda Kyiv.
Tani ayaa imaanaysa iyadoo afhayeen u hadlay Ruushka oo lagu magacaabo Dmitry Peskov uu sheegay in weerar kasta oo laga gaysto afarta gobol ee ay goosanayaan Ukraine uu la mid yahay mid lala eegtay Ruushka.
