Maxkamadda sare ee dalka Australia ayaa soo saartay go’aan ah in dowladdu aynan meesha ka saari karin muwaadinnimada shakhsiyaadka lagu eedeya argagixisada ee haysta labo jinsiyadood.
Go’aankan ayaa ah mid u cuntamaya Delil Alexander oo haysta dhalashada waddamada Turkiga iyo Australia kaasoo hadda lagu hayo Syria.
Waxaa uu Delil Australia ka tagay sanadkii 2013-kii isagoo qoyskiisa u sheegay inuu guur qorsheynaya oo uu dib u soo laaban doono.
Hasa ahaate waxaa uu u safray Syria iyadoo maamullada sirdoonka ee Australia ay sheegeen inuu ku biiray kooxda isku tilmaanta khilaafada islaamiga ee ISIS.
Waxaa gudaha Syria ku xiray ciidamada kurdiyiinta.
Sanadkii 2019-kii ayay ahayd markii Delil Alexander ay maxkamad ku taalla Syria ku xukuntay 15 sano oo xabsi ah .
In kastoo dowladda wadankaasi ay cafis u fidisay haddana waxaa weli lagu haya xabsi ku yaalla dalkaasi .
Qareenka u doodaya oo lagu magacaabo Cisman Samin, ayaa warbaahinta u sheegay in dowladda Australia ay ku qaldan tahay inay kala laabato jinsiyadiisa maadaama uunan wax xiriir ah la lahayn koox argagixiso.
