Waxaa ilaa iyo hadda wadanka Myanmar lagu xiray ku dhawaad 500 oo qof iyadoo ay weli socdaan dibadbaxyada looga soo horjeedo afgembigii militari ee 1-dii bishan.
Ciidamada difaaca ee hoggaanka wadankaas la wareegay ayaa soo saaray warqado lagu soo xirayo 6 qof oo magac leh.
Dadkan ayaa loo haystaa in ay dhiirigeliyeen dibadbaxayaasha.
Tobonaan kun oo qof ayaa maanta mudaharaadyo ka dhigaya meel u dhow jaamacad ku taalla magaalada ugu weyn wadanka Myanmar ee Yangon .
Waxay dibadbaxayaasha oo ay arday ka mid yihiin dalbanayaan in la siidaayo saraakiil la xiray oo ay ku jirto haweeneydii hoggaaminaysay dalkaas Aung San Suu Kyi.
Tirada dadka lagu xiray Myanmar oo ku dhow 500
