Dowladda dalka New Zealand ayaa sheegtay in ay hakad gelinayso cilaaqaadkii dibloomasiyeed ee kala dhexeyay wadanka Myanmar.
Sidoo kale waxay xayiraad dhanka safarrada ah ku soo rogaysaa madaxda militari ee dalkaas.
Waxaa arrimahan maanta shaacisay ra’iisul wasaaraha New Zealand Jacinda Ardern .
Haweeneydan ayaa sidoo kale sheegtay in maamulkeeda uu xaqiijin doono in uunan qayb ka noqon mashaariic lala kaashanaya ama uu ka faa’iidaya militariga qaabka afgembiga ah kula wareegay hoggaanka Myanmar.
Tani ayaa imaanaysa iyadoo ciidamada difaaca ee Myanmar ay wacad ku mareen in ay doorasho qabanayaan oo ayna talada dalkaas u gacan gelinayaan musharaxii ku guulaysto.
