Gudaha dalka Brazil waxaa ilaa iyo hadda laga diiwaangeliyay kiisaska caabuqa corona oo ah ugu yaraan 9 milyan.
Tani ayaa imaanaysa iyadoo dhanka kale in ka badan 1 milyan oo wadankaas ku nool la siiyay tallaalka ka dhanka ah fayraska.
Dhanka kale shirkadda Novavax ee ku taalla Maraykanka ayaa sheegtay in tallaalkeeda uu yahay mid boqolkiiba 89 waxtar leh.
Guud ahaan caalamka waxaa cudurka COVID-19 u dhintay in ka badan 2 milyan oo qof halka ku dhawaad 101 milyan oo xaaladood la xaqiijiyay sida laga soo xigtay Jaamacadda Johns Hopkins University oo si dhow ula socoto cudurka.
Xaaladaha COVID-19 ee Brazil oo kor u dhaafay 9 milyan
