Wasiir ku Xigeenka Wasaarada Warfaafinta Soomaaliland ayaa wuxuu Faahfaahin ka bixiyay doorashadii Goleyaasha Wakiilada iyo deegaanka oo dhamaadkii Bishii shanaad ka dhacday deegaanada Soomaaliland taasoo Maxkamada Sare ee Soomaaliland ay shalay Natiijadeeda si rasmi ah ugu baaqday.
Wasiir ku xigeenka Warfaafinta Soomaaliland ayaa sheegay inay qorshaynayaan sidii doorashooyin soo noqnoqda ee mararka badan dhacaya ay uga dhigi lahaayeen kuwo Hal Mar la qabto.
Sidoo kale wuxuu ka hadlay doorashada Gudoonka Golaha Wakiilada iyo eedaymaha ay jeedinayaan Xisbiyada Mucaaradka Soomaaliland ee ku saabsan inay Xukuumada Lacag ku bixinayso sidii ay gudoonka Golaha Wakiilada ku heli lahayd.
