Dhulgariir cabirkiisu dhan yahay 6.7 ayaa ku dhuftay gobolka waqooyi bari ee Japan, taasoo keentay in hay’adda saadaasha hawada ee Japan (JMA) ay soo saarto digniin ku saabsan dhuufaan.
Dhulgariirka ayaa Jimciha maanta ah ka dhacay xeebta Aomori Prefecture saacadda maxalliga ah, sida laga soo xigtay JMA.
Hay’adda Sahanka Juqraafiga ee Mareykanka (USGS) ayaa sidoo kale sheegtay in dhulgariirka uu cabbirkiisu ahaa 6.7.
Hay’adda Xakamaynta Nukliyeerka ee Japan ayaa sheegtay inaysan jirin wax calaamado degdeg ah oo muujinaya cillado ka jira xarumaha nukliyeerka ee gobolka.
Ka dib dhulgariirkii Isniintii, kaas oo dhaawacay ugu yaraan 50 qof, hay’adda JMA ayaa soo saartay digniin gaar ah oo loogu talagalay dadka deggan dhul ballaaran, laga bilaabo Hokkaido ee waqooyiga ilaa Chiba ee bariga Tokyo, si ay uga feejignaadaan suurtagalnimada sii kordheysa ee dhulgariir xooggan oo mar kale ku dhufan doona toddobaad gudaheed.
