Dagaalka u dhexeeya Cambodia iyo Thailand ayaa galay maalintii shanaad, iyadoo Cambodia ay ku eedeysay militariga Thailand inay sii wadaan duqeymaha, halka Raa’iisul Wasaaraha ku meel gaarka ah ee Thailand Anutin Charnvirakul uu xaqiijiyay inuu qorsheynayo inuu la hadlo Madaxweynaha Mareykanka Donald Trump.
Ciidamada Thailand ayaa la sheegay inay weerarro cusub ka geysteen saddex gobol oo Cambodia ah aroornimadii hore ee saaka, sida laga soo xigtay wargeyska Cambodia ee The Khmer Times.
Ugu yaraan 20 qof ayaa lagu dilay labada dal, iyadoo ku dhawaad 200 oo kale ay ku dhaawacmeen, tan iyo markii dagaalka uu dib u bilowday Isniintii.
Qiyaastii 600,000 oo qof ayaa sidoo kale ku barakacay labada dhinac ee xuduudda Thailand iyo Cambodia tan iyo markii la burburiyay heshiis nabadeed oo uu Trump dhexdhexaadiyay bishii Oktoobar ee sanadkan.
