Siddeed askari oo ka tirsan booliiska saldhigga Maseno ayaa xabsiga loo taxaabay kadib markii lagu eedeeyay in ay xadeen baabuur.
8-da sarkaal ayaa hadda ku sugan xabsiga saldhigga dhexe ee booliiska ee Kisumu iyadoo su’aalo dheeri ah laga weydiinayo arrintan.
Sida lagu sheegay warbixinta booliiska, askarta ayaa lagu eedeeyay inay xadeen gaari nooca Toyota Land Cruiser ah oo ka dhacay barxadda baabuurta ee saldhigga booliiska ee Maseno.
Baabuurka ayaa mar hore la soo helay isagoo lagaga tagay xarunta ganacsiga ee Maseno 10-kii bishan September.
Si kastaba ha ahaatee, markii dambe ayaa laga waayay saldhigga iyadoo 8-da sarkaal lagu eedeeyay inay ka dambeeyeen waayitaankiisa lama filaanka ah.
Saraakiil ka tirsan DCI-da oo ka yimid magaalada Nairobi ayaa sameeyay qabashada saraakiisha fiidnimadii Isniinta, waxaana lagu hayaa xabsiga inta baaritaanno iyo tallaabo kale laga qaadi doono.
Siddeedda sarkaal ayaa kala ah Shaban Omar, Stanley Kosgei, Fredrick Lubatse, Harrison Muchiri, Charles Mutahi, Jackson Lugadili, Elphas Sigoi iyo Isaac Kipgeno.
