Ra’iisul wasaarihii hore ee Mali Choguel Maiga, ayaa lagu soo oogay dacwad la xiriirta wax isdaba marin, waxaana loo taxaabay xabsiga, iyadoo madaxda milateriga ee galbeedka Afrika ay sii xoojiyeen howlgallada ka dhanka ah eedeymaha afgambiga.
Eedeymaha ka dhanka ah Maiga ayaa la shaaciyay talaadadii ka dib markii la dhageystay maxkamada sare ee Mali.
Maiga, oo xilka qabtay kadib afgambigii labaad ee ka dhacay Mali sanadkii 2021, ayaa shaqada laga eryay Noofambar 2024 ka dib markii uu si cad u cambaareeyay militariga sababo la xiriira cadeyn la’aan marka ay xukunka ku wareejinayaan dowlad rayid ah.
Qareenka Maiga, Cheick Oumar Konare, ayaa u sheegay wakaaladda wararka ee AFP in aan wali la cayimin taariikhda la qabanayo dacwadda hoggaamiyihii hore.
