Askari ka tirsan ciidamada booliiska ayaa xabsiga ku jira ka dib markii dadka deegaanka ay weerareen saldhigga booliiska ee Archers ee ismaamulka Isiolo, si ay u dalbadaan in la soo xiro.
Warbixin ay soo saartay shalay ayaa waaxda booliiska ee La dagaalanka Argagaxisada ayaa lagu sheegay in sarkaalku uu watay gaari ay leedahay Waaxda Ilaalada Xuduudaha ee booliiska markii uu si lama filaan ah ugu dhuftay haweeney ku sugneyd bartamaha magaalada.
Gaariga oo noociisu yahay Toyota Land Cruiser, ayaa tan iyo markaas la dhigay Saldhigga Booliiska ee Archers.
Meydka haweeneyda ayaa intaa kadib la geeyay qolka meydka ee Isiolo iyadoo bulshada ay wali ku baaqayaan in cadaalada la horkeeno sarkaalka.
Tani ayaa waxaa ay ku soo beegmaysaa maalmo un ka dib markii afar askari oo booliis ah ay dhinteen ka dib shil baabuur oo naxdin leh oo ka dhacay fiidnimadii 22-kii bishii June, gaar ahaan waddada Gaarisa.
Askartan ayaa sarnaa gaari boolis ah oo la sheegay in koontaroolku uu ka lumay.
