Wasiirka arrimaha gudaha iyo maamulka qaranka Kipchumba Murkomen ayaa difaacay Barnaamijka amniga ee Jukwaa la Usalama ee dhawaan la soo gabagabeeyay, isaga oo meesha ka saaray dadka dhaliilsan safarradii uu dalka ku marayay.
Murkomen waxa uu sheegay in la fahmo caqabadaha ay la kulmaan muwaadiniinta, saraakiisha amniga, iyo maamulayaasha hoose, halkii dhibaatooyiinka ay la kulmaan.
“Waxaan qabanay kulannada Jukwaa la Usalama, waxaana ku soo wareegay gobol kasta oo Kenya ah, dadka qaarkiis aad bay uga xumaadeen sababtoo ah waxaan safar ku maray dalka oo dhan, waxay u baran jireen in ay Nairobi fadhiyaan wasiirro oo sugaya in lagu soo booqdo xafiisyadooda, waxaan go’aansaday in aniga laftaydu ay wanaagsan tahay in aan halkaas tago oo aan si toos ah u maqlo cabashada dadka,” ayuu yiri.
Murkomen oo hadalkiisa sii wata ayaa daboolka ka qaaday inuu qorsheynayo inuu wacyigelintiisa ku kordhiyo 47-da ismaamul isagoo ku dhawaaqay waji cusub oo barnaamijkan oo kale lagu gaarsiin doono dhammaan 290-ka degmo doorasho.
