Maxkamadda racfaanka ee dalka ayaa hakisay amarkii ka soo baxay maxkamadda sare kaasi oo sharci darro ku tilmaamay hannaanka maalgelinta jaamacadaha ee dowladda.
Waxay maxkamaddu go’aamisay in nidaamkan uu sii shaqeeyo inta laga soo gabagabeynaya racfaan laga qaatay go’aankii hore.
Maxkamadda ayaa xeer ilaaliyaha guud ee dalka , guddiga bixiya amaahda tacliinta sare ee (HELB) iyo adeegga ardayda kala geeya jaamacadaha iyo machadyada ee (KUCCPS) ku amray in muddo 14 cishe gudaheeda ah ay nidaamkan la wadaagaan dhammaan jaamacadaha iyo machadyada .
Sidoo kale , waxaa hannaankan loo bandhigaya ardayda hadda dhigta jaamacadaha iyo kuwa daneynaya in ay ku soo biiraan xarumahan.
20-kii bishii 12-aad ee Diseembar ee sanadkii hore ayay ahayd markii ay maxkamadda sare ee dalka ay sharci darro ku tilmaantay hannaanka maalgelinta jaamacadaha.
