TV-ga Al Masirah ee taabacsan Xuuthiyiinta ayaa ku waramaya in 7 duqeymo ah oo Mareykanka uu saacadihii la soo dhaafay ka gaystay dekedda Raas Ciisa ee degmada Al-Salif ee magaalada Xudeydah, halkaasi oo duqeyn uu Mareykanku ka geystay isla dekedda bishii hore ay ku dhinteen ugu yaraan 80 qof, 150 kalena ay ku dhaawacmeen.
Waana mid ka mid ah weerarradii ugu khasaaraha badnaa ee ay ciidamada Mareykanka ka geystaan dalkaas.
Horaantii Jimcihii, Xuuthiyiintu waxay sheegteen mas’uuliyadda weerarrada laba gantaal oo ku garaaceen waqooyiga Israa’iil, oo ayna la beegsadeen saldhigga ciidamada cirka ee Ramat David iyo aagga Tel Aviv, iyadoo kooxdu ay sii waddo cadaadiska militari ee ay ku garab taagan tahay Falastiiniyiinta.
