Ciidanka Ilaalada Kacaanka Islaamiga ah ee Iran (IRGC) ayaa sheegay inay weerarro ku qaadeen saldhigyo milatari oo Mareykanku ku leeyahay dalalka Kuwait iyo Jordan, kaddib markii ay ku eedeeyeen ciidamada Mareykanka inay duqeeyeen dhisme ku yaalla jasiiradda Qeshm ee dalka Iran.
Sida ay sheegtay IRGC, weerarka Mareykanka ayaa sababay dhimashada laba qof oo isqaba iyo cunug ay dhaleen oo laba sano jir ahaa. Waxa kale oo ay sheegtay in qaraxyo laga maqlay jasiiradda Kish, gobolka Bushehr iyo afar goobood oo ku yaalla gobolka Khuzestan, kuwaas oo la sheegay inay ka dhasheen weerarro uu Mareykanku geystay.
Dhanka kale, dowladda Kuwait ayaa xaqiijisay in hal shaqaale uu ku dhintay weerar Iran ay ku qaadday dhisme ay leedahay shirkad Shiineys ah oo ku yaalla waqooyiga dalkaas.
Dhacdooyinkan ayaa muujinaya sii xoojinta xiisadda u dhexeysa Iran iyo Mareykanka, iyadoo laga cabsi qabo in colaaddu ay ku sii baahdo dalalka kale ee Bariga Dhexe.
