Meydka haweeney da’ dhexaad ah ayaa laga soo saaray meel biyo mareen ah oo ku taal ismamaulka Kitui iyadoo daadad ka dhashay roobab mahiigaan ah ay weli saameeynyaan qaybo ka mid ah dalka.
Sida ay sheegeen mas’uuliyiinta, meydka haweeneyda, oo la rumeysan yahay inay u dhaxayso 45 iyo 50 sano jir, ayaa laga helay Kathonzooni Rock ee Tuulada Kitulani Deegaanka Galbeed ee Mwingi.
Guddoomiye xaafadeedka aaggaas Joseph Mue ayaa xaqiijiyay dhacdada, isagoo sheegay in saraakiisha booliisku ay soo heleen meydka oo ay u gudbiyeen qolka meydadka ee Isbitaalka Magwani iyadoo baaritaanno ay ku socdaan si loo ogaado duruufaha ku xeeran dhimashada.
Mue ayaa uga digay dadweynaha inay feejignaadaan inta lagu jiro xilliga roobka oo socda oo ay ka fogaadaan inay ka gudbaan webiyada marka heerarka biyuhu ay sarreeyaan.
Dhacdadu waxay timid iyadoo ay sii kordheyso walaaca laga qabo dhimashada la xiriirta fatahaadaha.
Mas’uuliyiintu waxay sheegeen in ugu yaraan saddex qof ay ku dhinteen dhacdooyin kala duwan oo lala xiriiriyay roobab xooggan oo ka da’ay dowlad deegaanka Kitui.
