Madaxweyne William Ruto oo maalintii labaad ku guda jira socdaalka uu ku marayo ismaamulka Murang’a ayaa ku adkeystay in shacabka gobolka ay go’aan ka gaari doonaan qofka ay door bidayaan in uu noqdo musharaxa madaxtinimo ee sanadka 2027-ka.
Waxa uu ku nuux-nuux saday in aysan jirin cid sheeganeysa inay go’aan ka gaari doonaan gobolka, isagoo xusay inay horay u lahaayeen madax saameyn ku leh oo weli dadka deegaanka u ogolaadeen inay go’aan ka gaaraan siyaasaddooda.
Hadallada Madaxweynaha ayaa yimid iyadoo ay jiraan eedeymo uu jeediyay ku xigeenkiisii hore, Rigathi Gachagua kaasoo ka digay cawaaqib xumada maadaama lagu eedeeyay inuu khiyaaneeyay gobolka Mt Kenya.
Gachagua, oo ku jiray olole ka dhan ah dowladda tan iyo markii xilka laga qaaday, ayaa sheegay in gobolka Mt Kenya lagu khiyaaneeyay taageeridda Madaxweyne Ruto laakiin la dayacay ka dib markii uu xilka qabtay.
