Booliska magaalada Eldoret ayaa si xun u toogtay afar qof oo hubeysnaa ka dib markii la fashiliyay isku day dhac ah oo ka dhacay isgoyska Greenfield ee wadada isku xirta Eldoret iyo Kiplombe.
Booliska oo warbixin soo saaray ayaa ku sheegay in labo qof ay baxsadeen kuwaas oo ay ku raadjoogaan.
Sida laga soo xigtay booliska, baarayaasha Kooxda Hawlgallada (OAT) ee Xarunta Dhexe ee Agaasinka Baarista Dambiyada (DCI) ayaa weerar gaadmo ah qaaday ka dib markii ay heleen warbixinno ka yimid dadweynaha oo sheegaya in koox ka kooban afar nin oo hubaysan, oo la sheegay inay ku labisnaayeen dharka booliiska, ay argagax gelinayeen darawallada iyo dadka deegaanka ee wadada marayay.
Booliiska ayaa sheegay in dhacdadani ay dhacday ka dib markii tuhmanayaashu ay rasaas ku fureen saraakiisha intii ay socdeen hawlgalada ka dhanka ahaa burcadda.
Baaritaan goobta ka dhacay ayaa horseeday in la helo bistoolad nooca Falcon ah oo ay ku jireen afar xabbadood oo rasaas ah.
