Ugu yaraan 5 qof ayaa lagu dilay weerar xalay ay Israa’iil ku qaadday guri la deggan yahay oo ku yaalla xerada qaxootiga ee Nuseirat ee bartamaha Qaza.
Xafiiska warbaahinta ee dowladda Falastiin ee Gaza ayaa sheegay in Israa’iil ay fulisay 34 weerar oo dhanka cirka ah.
Waxaa weerarradan lagu dilay ilaa 71 qof 24-kii saacadood ee la soo dhaafay guud ahaan dhulka Falastiiniyiinta.
Ururka xuquuqul aadanaha ee Falastiiniyiinta ee Al-Haq ayaa sheegay in amarrada daadgureynta qasabka ah ee Israa’iil ee Qaza loogu talagalay in lagu fududeeyo weerarrada ka dhanka ah dadka deegaanka.
Qaramada Midoobay ayaa dhalleeceysay bartilmaamedsiga isbitaallada Qaza, iyadoo sheegtay in loo baahan yahay in xarumaha caafimaadka aan lala beegsan weerarrada iyo duullaanka militariga.
Duullaanka militari ay Israa’iil ka wado Qaza laga soo billaabo 7-dii bishii Tobnaad ee sanadkii 2023-kii, ayaa lagu dilay ugu yaraan 45,581 qof halka lagu dhaawacay 108,438 kale oo Falastiniyiin ah.
