Waxaa la xaqiijiyay dhimashada labo ruux oo mid ka mid ah ay ahayd gabadh 5 sano jir ah.
Tani ayaa timid ka dib markii uu saaka shil ka dhacay aagga Khunyangu ee waddada Butula-Bumala ee ismaamullada Bungoma iyo Busia.
Shilka ayaa dhacay abaare 8:40 subaxnimo ka dib markii uu baabuurka xakameyn waayay wadihii gaariga oo ahaa nooca Toyota Corolla oo ka yimid degmada Butula kuna wajahnaa Bumala xilli uu isku dayayay inuu meel ka leexdo.
Baabuurkaasi oo uu waday shakhsi magaciisa lagu sheegay Walter Onyango ayaa waxay isku dhaceen mooto soo socotay.
Darawalka gaariga iyo haweeney rakaab ahayd oo uu siday ayaa waxaa soo gaaray dhaawacyo kala duwan waxaana la geeyay isbitaalka guud ee ismaamulka Busia oo lagu daaweynaya.
Ciidamada ammaanka ayaa sheegay in ay guda galeen baaritaano la xiriira shilkaasi.
