Ciidamada booliiska ee magaalada Muhoroni ee ismaamulka Kisumu ayaa xiray arday sameynaya imtixaanka fasalka afaraad ee dugsiga sare ee (K.C.S.E).
Tani ayaa timid ka dib markii uu arday kale ugu hanjabay inuu toorri ku weeraraya.
Eedeysanaha oo 19 sano jir ah ayaa lagu magacaabaa Stephen Biko Olan’go waxaana lagu xiray dugsiga sare ee Menara Academy .
Booliiska ayaa sidoo kale sheegay in tuhmanaha lagu arkay daroogo.
Warbixinta laga gudbiyay saldhigga booliiska ee deegaanka Muhoroni ee ismaamulka Kisumu ayaa waxaa ku cad in Olan’go uu dhawaan dhibaateeyay arday kale.
Waxaa uu hadda ku jiraa saldhigga booliiska isagoo maraya baaritaanno dheeraad ah ka hor inta aan dacwad lagu soo oogin.
