Ciidamada militariga ee Israa’iil ayaa weerar ay ka gaysteen magaalada Jabalia ee Waqooyiga Qaza ku dilay ugu yaraan 33 ruux.
13 ka mid ah dadkan ayaa carruur ah.
Wakaaladda rasmiga ee wararka dowladda Falastiin ee WAFA ayaa ku warramaysa in dhaawac badan uu jiro sidoo kalena dadka qaar la la’yahay duqeyntaasi ka dib.
Waxay wararku intaasi ku darayaan in la bartilmaameedsaday hooyga qoys lagu magacaabo Alloush halkaasi oo gebi ahaanba lagu burburiyay gurigii ay degganaayeen.
Weerarkan ayaa dhacay ka hor inta uunan waaga baryin wuxuuna ku soo beegmay hal maalin un ka dib markii ugu yaraan 44 Falastiiniyiin ah lagu dilay Qaza.
