Saraakiisha caafimaadka ee ismaamulka Nakuru ayaa billaabay shaqo joojin ay uga cabanayaan xaaladaha ay ku howlgalaan oo aan wanaagsanayn.
Xoghayaha ururka dhakhaatiirta dalka ee KMPDU laantiisa Gobolka Rift Valley ,Dr. Kimonzi Mulei ayaa sheegay inaynan shaqooyinkooda dib ugu laaban doonin ilaa iyo inta dowladda ismaamulka Nakuru ay ka fulinaysa rabitaankooda.
In ka badan boqol dhakhaatiir ah ayaa dalbanaya in dowladda hoose ee Nakuru ay dhaqangeliso heshiis ku saabsanaa mushaar kordhin oo ay wada saxiixdeen.
Waxay sheegeen in kastoo ay horay u soo saareen digniin 21 cishe ah in ilaa iyo hadda aan xal laga gaarin tabashooyinkooda.
Arrimaha ay ka cabanayaan waxaa ka mid ah tayada qalabka ay ku shaqeeyaan iyo helidda caymiska caafimaad.
