Wararka naga soo gaaraya dalka Japan gaar ahaan xeebta Fukushima ayaa sheegaya in halkaas uu ku dhuftay dhul-gariir cabbirkiisu yahay 7.3.
Sida laga soo xigtay waaxda maareynta musiibooyinka ee Japan , ilaa iyo hadda 74 qof ayaa la xaqiijiyay in ay dhacdadan dhaawacyo kala duwan ka soo gaareen.
Ra’iisul wasaaraha Japan Yoshihide Suga ayaa sheegay in aynan jirin wax dhimasho ah oo la soo tabiyay.
Dhul-gariirkan ayaa imaanaya ku dhawaad 10 sano markii mid kale uu ku dhuftay gobolka bari ee wadankaas.
