Guddiga adeegga garsoorka ee JSC ayaa soo magacaabay guddi ka kooban 5 xubnood oo soo xulaya magaca mas’uulka noqonaya madaxa cadaaladda ee dalka.
Tani ayaa timid ka dib markii bishii hore uu howlgab noqday David Maraga oo ahaa madaxii maxkamadaha Kenya.
Guddigan ayaa qiimeyn ku sameyn doono 13 shakhsi oo isugu jiro garsoorayaal iyo qareeno oo dirsaday codsiyo si ay u buuxiyaan jagadii uu ka fariistay Maraga.
JSC ayaa sheegtay in guddigan uu eegi doono aqoonta, waaya aragnimada iyo hab-dhaqanka mas’uuliyiinta codsiyada diray .
Waxaa xubnaha laga doonayaa in muddo 14 cisho gudahood ah ay soo saaraan liiska la turxaan bixinaya si loo sii kala saaro.
