Waxaa sii kordhay khasaaraha nafeed iyo dhaawaca ka dhashay shilkii saaka ka dhacay deegaanka Gilgil .
Dhimashada ayaa hadda ah 9 halka ay dhaawacmeen ugu yaraan 4 qof.
8 ka mid ah 9-ka qof ayaa isla goobta ku dhintay halka mid kalena uu geeriyooday isagoo isbitaalka lagu daaweynaya.
Waxaa uu shilku u dhexeyay baabuur ah nooca dadweynaha ee mataatuuda iyo mid ka mid ah gawaarida xamuulka.
Gaadiidkan ayaa isku dhacay xilli ay marayeen meel u dhow isbitaalka St Mary ee wadada weyn ee u dhexeysa magaalooyinka Nairobi iyo Nakuru .
Taliyaha booliska ee deegaanka Gilgil John Onditi ayaa sheegay in shilku uu dhacay abaare 5-tii aroornimo.
Taliyaha ayaa sheegay in guddi ka tirsan hay’adda laanqeerta cas uu gaaray goobta shilka si uu u soo badbaadiyo rakaab la rumeysan yahay in ay weli ku hoos jiraan baabuurka yar.
Qaar ka mid ah goobjoogayaasha shilka ayaa ka warramaya sida ay wax u dhaceen
