Wararka ka imaanaya deegaanka Tareedisho ee duleedka Magaalada Muqdisho ee Caasimadda dalka Soomaaliya ayaa sheegaya in halkaas uu dagaal ku dhexmaray Ciidamada Dowladda Soomaaliya iyo dagaalameyaasha Al-Shabaab.
Dagaalkaan ayay wararku sheegayaan inuu bilowday kadib markii Xubno ka tirsan Dagaalameyaasha Al-Shabaab ay Weerar ku qaadeen deegaanka Tereedisho oo ay Fariisin ku leeyihiin Ciidamada Amaanka Soomaaliya.
Ciidanka dowladda ayaa ku sugan halka lagu dagaalamay waxayna saaka aagaasi ka wadaan howlgalo amni Xaqiijin ah sida ay wararku sheegayaan.
