Safaaradda Maraykanka ee magaalada Dar es Salaam ayaa sheegtay in ay sare u kaceen xaaladaha cudurka COVID-19 ee dalka Tanzania.
Waxay intaa ku dartay in xarumaha caafimaadka ee wadankaas uu mar dhow culeys dheeraad ah soo foodsaari karo.
Qoraalka safaaradda waxaa ku xusan in xaaladaha caabuqa corona ee Tanzania ay sare u sii kacayeen tan iyo bishii hore in kastoo madaxweyne John Magufuli uu muwaadiniinta ugu baaqay in aynan ku degdegin daawooyinka tallaalka.
Tanzania ayaa bishii Afaraad ee sanadkii hore joojisay in ay daabacdo macluumaadka la xiriira caabuqa.
