Ciidamada militariga ee Israa’iil ayaa weerar ay ka gaysteen magaalada ku taalla Koonfurta Marinka Qaza ee Rafah ku dilay 5 ruux oo Falastiiniyiin ah.
Weerarka ayaa ka dhacay dhanka bari ee magaaladaasi sida ay ku warramaysa warbaahinta caalamiga ee Al Jazeera.
Ugu yaraan 6 bilood ayaa ka soo wareegatay markii ay Israa’iil duullaan dhulka ah ka fulisay Rafah.
Waxay horay u ballan qaadday in ay fulin doonto howlgal xaddidan oo ka dhan ah Xamaas.
