Hoggaamiyaha xisbiga DAP-Kenya Eugene Wamalwa ayaa ku adkaystay in wax heshiis ah laga gaarin doonin wada hadallada qaran ee siyaasadeed, haddii warbixinanda la soo bandhigi doono aynan ku jirin hoos u dhigida qiimaha sarreeya ee maciishadda.
Mr. Wamalwa ayaa sheegay in maamulka Kenya Kwanza uu ku andacoonaya in qiimaha shidaalka ee sarreeya uu ka dhashay dagaalka Israa’iil iyo dhaqdhaqaaqa Xamaas ee dalka Falastiin.
Waxaa uu xusay in canshuuraha faraha badan ee lagu soo rogay batroolka ay sabab u tahay qiimaha sarreeya ee shidaalka.
Wamalwa ayaa ka codsaday madaxweynaha dalka William Ruto inuu wax ka barto waddamada dariska ah, kuwaas oo uu xusay in xakameeyeen qiimaha shidaalka.
