Ugu yaraan labo ka mid ah ciidamada qalabka sida ee dalka Syria ayaa ku dhaawacmay duqeyn dhanka cirka ah oo ay Israa’iil ku bartilmaameedsatay saldhigyo militari oo ku yaalla gobolka bari ee Deir Az Zor.
Warbaahinta maxalliga ee Syria oo ay ka mid tahay wakaaladda wararka ee SANA ayaa ku warramaysa in weerarkan uu dhacay abaare 11:50 habeenimo ee xalay.
Ilo wareed ka tirsan militariga Syria ayaa sidoo kale laga soo xigtay in duqeynta Israa’iil uu ka dhashay burbur dhanka kaabayaasha ah.
