Wasaaradda arrimaha dhulalka ee dalka ayaa guda gashay inay baaritaano dabagal ah ku sameyso diiwaanadeeda wadanka oo dhan.
Tani ayaa la doonaya in lagu wanaajiyo adeegyada loo fidiyo shacabka iyo uruurinta lacagaha laga qaado.
Howshan oo qaadan doonto muddo 14 cishe ah ayaa waxaa hoggaamin doono ilaa Siddeed koox.
Kooxahan ayaa socdaal ku tagi doono gobollada Xeebta, Nyanza , Bartamaha , Galbeedka iyo Rift valley.
Xoghayaha joogtada ah ee wasaaradda dhulalka ee dalka, Nixon Korir ayaa arrinkan shaaca ka qaaday.
Waxaa uu sheegay in kooxaha dabagalka sameynaya laga doonayo inay soo gudbiyaan warbixinno sax ah si loo wanaajiyo diiwaanka wasaaradda oo haddii ay jiraan meelo u baahan in la sii ballaariyo in sidaasi la sameeyo.
Korir ayaa sheegay in la xaqiijin doono in dhamaan dokumeentiyada yaalla wasaaradda ay yihiin kuwo elektoroonik ah.
