Shacabka ku nool deegaanka hoose ee Gatitu ee ismaamulka Nyeri ayaa dhigay dibadbax ay kaga cabanayaan iibinta Khamriga sharci darrada ah ee aagaasi ku soo batay.
Waxaa ay dalbadeen in la yareeyo goobaha lagu iibiyo Khamriga ee deegaankaasi.
Dadka deegaanka ayaa ku andacooday in Khamriga sharci darrada uu galaaftay nolosha dhallinyaro badan.
Madaxweyne ku xigeenka dalka Rigathi Gachagua ayay ugu baaqeen inuu arrintan wax ka qabto.
Shalay ayay ahayd markii warbixin uu soo saaray maamulka qaran ee ololaha ka dhanka ah isticmaalka maandooriyaha ee NACADA uu ku sheegay in Khamriga uu yahay maandooriyaha loogu isticmaal badan yahay Kenya.
