Ciidamada booliiska ee magaalada Kitengela ee ismaamulka Kajiado ayaa xiray afar qof oo dhalasho ahaan ka soo jeeda dalka Tanzania kuwaas lagu helay daroogada nooca loo yaqaano Cocaine-ta.
Saraakiisha waaxda dambi barista dalka ee DCI-da ee qaybteeda la dagaalanka maandooriyaha, ayaa 3-dii aroornimo ee maanta howlgal ka sameeyay guri ku yaalla dhismaha Beckvike ee deegaanka Kitengela.
Waxaa ay saraakiisha soo heleen 143 xabo oo ah daroogada Cocaine-ta ah oo lagu shubay baakad maran oo cabitaan laga cabay.
Saraaakiisha ayaa sidoo kale soo helay qalab dhijitaal ah oo isugu jiro taleefoonada gacanta iyo lacag caddaan ah oo kala ah mid shisheeye iyo Kenya .
Waaxda DCI-da ayaa bayaan ay soo saartay ku sheegtay in baaritaan la sameeyay uu horseeday in dib loo soo celiyo mishiinnada miisaanka dhijitaalka ah iyo lacag dhan 245 doolar oo u dhiganta 26,100 oo shilinka dalka ah.
Wararka ayaa intaasi ku daraya in haweeney Kenyaan ah oo magaceeda lagu sheegay Nancy Munyota sidoo kale la xiray intii uu socday howlgalka.
Afarta eedeysane ayaa magacyadooda lagu kala sheegay Cali Abuubakar, Maxamad Qaasim, Sacad Saalim iyo Rosse Paul Tito.
Four foreigners believed to be Tanzanians have been arrested and dozens of pellets suspected to be cocaine recovered from their house.
In an operation conducted early today morning at Beckvike homes in Kitengela, Kajiado County, a total of 143 pellets containing the highly… pic.twitter.com/fuaUNfQfF6
— DCI KENYA (@DCI_Kenya) August 30, 2023
— DCI KENYA (@DCI_Kenya) August 30, 2023
